Қауіпсіздік нұсқаулары
Барлық қауіпсіздік нұсқаулықтарын және ескертпелерді оқыңыз. Техникалық қауіпсіздік нұсқаулықтарын және ескертпелерді сақтамау тоқтың соғуына, өрт және/немесе ауыр жарақаттануларға алып келуі мүмкін.
Болашақ жұмыстар үшін қауіпсіздік нұсқаулықтары мен ескертпелерді сақтап қойыңыз.
- Балаларға назар аударыңыз. Осылайша балалардың сорғымен ойнамауын қамтамасыз етесіз.
- Балалардың сорғыны немесе зарядтағыш құрылғыны тазалауына және оларға техникалық қызмет көрсетуіне жол бермеңіз.
- Бұл сорғыны 8 жастан асқан балалар және дене, сезім немесе ақыл-ой қабілеттері шектеулі немесе тәжірібесі және білімі жеткіліксіз адамдар олардың қауіпсіздігі үшін жауапты тұлғаның бақылауында болған жағдайда немесе осы тұлғадан сорғыны қауіпсіз пайдалану туралы нұсқау алып, қатысты тәуекелдерді түсінген жағдайда пайдалана алады. Кері жағдайда дұрыс пайдаланбау және жарақат алу қаупі туындайды.
- Сорғымен таныс емес немесе осы нұсқауларды оқымаған адамдарға оны пайдалануға рұқсат бермеңіз.
- Сорғыны пайдалану кезінде батарея бөлімінің қақпағы жабық болғанына көз жеткізіңіз. Ішке кірген ылғал қысқа тұйықталуды тудыруы мүмкін.
- Сорғының көмегімен бензин, май, спирт, еріткіштер сияқты жанғыш немесе жарылғыш сұйықтықтарды қайта айдауға болмайды. Сорғыны жарылу қаупі бар бөлмелерде пайдалануға болмайды. Сұйықтықтар тұтануы немесе жарылуы мүмкін.
- Сорғының көмегімен ауыз су сияқты ас өнімдерін қайта айдауға болмайды. Майлағыштар сұйықтықтарды ластауы мүмкін.
- Адамдар орналасқан аймақтардан сұйықтықтарды қайта айдауға болмайды. Жұмыс ортасында жануарлар немесе бөгде заттар бар болса, сүзгіні қолданыңыз. Осылайша адамдарға немесе жануарларға зиян келтірмейсіз.
- Сорғыны орнатпас немесе оған техникалық қызмет көрсетпес бұрын аккумуляторды шығарыңыз. Осылайша сорғыны кенет іске қосылуына жол бермейсіз.
Сорғының корпусы ыстық сұйықтықтарды қайта айдау кезінде немесе майлаусыз кенет іске қосылғаннан қатты қызып кетуі мүмкін. Жарақат алуыңыз мүмкін.
Сорғыны тек жабық үй-жайларда пайдаланыңыз және оны ылғалдан алшақ ұстаңыз.
- Аккумуляторды өзгертпеңіз және ашпаңыз. Қысқа тұйықталу қаупі бар.
- Аккумулятор зақымдалған немесе дұрыс пайдаланылмаған жағдайда, одан бу шығуы мүмкін. Аккумулятор жанып немесе жарылып қалуы мүмкін. Таза ауа ішке тартыңыз және шағымдар болса, дәрігердің көмегіне жүгініңіз. Бу тыныс алу жолдарын тітіркендіруі мүмкін.
- Аккумулятор дұрыс пайдаланылмаған немесе зақымдалған жағдайда, аккумулятордан сұйықтық ағуы мүмкін. Оған тимеңіз. Кездейсоқ теріге тигенде, сол жерді сумен шайыңыз. Сұйықтық көзге тисе, медициналық көмек алыңыз. Аккумулятордағы сұйықтық теріні тітіркендіруі немесе күйдіруі мүмкін.
- Шеге немесе бұрауыш сияқты ұшты заттар немесе сыртқы әсер арқылы аккумулулятор зақымдануы мүмкін. Бұл қысқа тұйықталуға алып келіп, аккумулятор жануы, түтін шығаруы, жарылуы немесе қызып кетуі мүмкін.
- Пайдаланылмайтын аккумуляторды түйіспелерді тұйықтауы мүмкін қыстырғыштардан, тиындардан, кілттерден, шегелерден, винттерден және басқа ұсақ темір заттардан сақтаңыз. Аккумулятор түйіспелерінің арасындағы қысқа тұйықталу күйіктерге немесе өртке әкелуі мүмкін.
- Бұл аккумуляторды тек қана осы өндіруші өнімдерінде пайдаланыңыз. Сол арқылы аккумуляторды қауіпті, артық жүктеуден сақтайсыз.
- Аккумуляторлық батареяны тек өндіруші көрсеткен зарядтау құрылғысымен зарядтаңыз. Зарядтау құрылғысы белгілі бір аккумуляторлар түріне арналған, оны басқа аккумуляторларды зарядтау үшін пайдалану өрт қаупін тудырады.
Аккумуляторды жылудан, сондай-ақ, мысалы, үздіксіз күн жарығынан, оттан, кірден, судан және ылғалдан қорғаңыз. Жарылыс және қысқа тұйықталу қаупі туындайды.