Udhëzime sigurie për llambat

Lexoni të gjitha këshillat e sigurisë dhe udhëzimet. Mosrespektimi i këshillave të sigurisë dhe i udhëzimeve mund të shkaktojnë goditje elektrike, zjarr dhe/ose lëndime të rënda.

Ruajini të gjitha këshillat e sigurisë dhe udhëzimet për të ardhmen.

Ju lutemi lexoni dhe ndiqni të gjitha paralajmërimet dhe udhëzimet e sigurisë të përfshira me baterinë ose me veglën elektrike me të cilin është furnizuar bateria.

Trajtojeni me kujdes llambën. Llamba gjeneron nxehtësi të madhe, e cila rrit rrezikun e zjarrit dhe shpërthimit.

Mos punoni me llambën në mjedise shpërthyese.

Pasi llamba të fiket automatikisht, mos vazhdoni të shtypni çelësin e ndezjes/fikjes. Bateria mund të dëmtohet. Sigurohuni që bateria të jetë e karikuar dhe llamba të jetë ftohur përpara se ta ndizni sërish llambën.

Përdorni vetëm aksesorë origjinalë Bosch.

Burimi i dritës nuk mund të zëvendësohet. Nëse burimi i dritës është i dëmtuar, e gjithë llamba duhet të zëvendësohet.

Hiqeni baterinë nga llamba përpara se të kryeni ndonjë punë në llambë (p.sh. montim, mirëmbajtje, etj.), si dhe kur e transportoni dhe ruani atë. Ekziston rreziku i lëndimit nëse çelësi i ndezjes/fikjes shtypet pa dashje.

Mos e drejtoni rrezen e dritës te njerëzit ose kafshët dhe mos e shikoni vetë rrezen e dritës, qoftë edhe nga një distancë më e madhe.

Mos e përdorni llambën në trafik rrugor. Llamba nuk është e aprovuar për ndriçim në trafikun rrugor.

Mbani distancën minimale midis llambës dhe të gjitha sipërfaqeve dhe objekteve të ndriçuara. Nëse distanca tejkalohet, objektet e ndriçuara mund të mbinxehen.

KUJDES! Mos shikoni rrezen e dritës për periudha të gjata kohore. Rrezatimi optik mund të jetë i dëmshëm për sytë tuaj.

Mos e mbuloni kokën e llambës kur llamba është në përdorim. Koka e llambës nxehet gjatë funksionimit dhe mund të shkaktojë djegie nëse rritet kjo nxehtësi.

Shmangni grumbullimin e pluhurit në vendin e punës. Pluhuri mund të ndizet lehtësisht.

Nëse bateria është dëmtuar ose përdoret në mënyrë jo të duhur, mund të dalin avuj. Bateria mund të digjet ose të shpërthejë. Dilni në ajër të freskët dhe flisni me një mjek në rast se keni shqetësime. Avujt mund të irritojnë sistemin e frymëmarrjes.

Në rastin e përdorimit të gabuar ose kur bateria është e dëmtuar nga bateria mund të rrjedhë lëng i djegshëm. Shmangni kontaktin me të. Në rast kontakti aksidental, shpëlajeni me ujë. Nëse lëngu futet në sy, merrni gjithashtu edhe ndihmën e mjekut. Rrjedhja e lëngut të baterisë mund të shkaktojë acarim ose djegie të lëkurës.

Bateria mund të dëmtohet nga objekte të mprehta të tilla si gozhdë ose kaçavida ose nga forca të jashtme. Mund të ndodhë një qark i shkurtër i brendshëm dhe bateria mund të digjet, të nxjerë tym, të shpërthejë ose të mbinxehet.

Mbajeni baterinë e papërdorur larg kapëseve, monedhave, çelësave, gozhdëve, vidave ose objekteve të tjera të vogla metalike, të cilat mund të shkaktojnë urë të kontakteve. Një qark i shkurtër ndërmjet terminaleve të baterisë mund të shkaktojë djegie ose zjarr.

Mbroni baterinë nga nxehtësia, p.sh. nga rrezet e vazhdueshme të diellit, zjarri, papastërtia, uji dhe lagështia. Ekziston rreziku i shpërthimit dhe i qarkut të shkurtër.

Karikoni bateritë vetëm me karikues të rekomanduar nga prodhuesi. Një karikues i projektuar për një lloj baterie paraqet rrezik zjarri kur përdoret me bateri të tjera.

Përdorni baterinë vetëm në produktet e prodhuesit. Vetëm kështu mund të mbroni baterinë nga mbingarkesat e rrezikshme.

Mos e modifikoni ose hapni baterinë. Ekziston rreziku i një qarku të shkurtër.

Mbajini dritat e papërdorura larg fëmijëve. Mos lejoni që personat që nuk e njohin dritën ose që nuk i kanë lexuar këto udhëzime ta përdorin atë. Dritat janë të rrezikshme kur përdoren nga njerëz pa përvojë.

Përdorni vetëm dorezën e mbajtjes për të mbajtur dhe për të rregulluar dritën. Radiatori mund të nxehet gjatë funksionimit.