Всисување на прав/струготини
Избегнувајте да работите без мерки за намалување на прашината. Соодветен уред за всисување прав ја намалува количината на прав што е опасна по здравјето. Погрижете се за добра проветреност на работното место. Секогаш користете соодветна респираторна заштита. Затоа, доколку е возможно, користете соодветен всисувач за прав за материјалот што се обработува. Внимавајте на важечките прописи на Вашата земја за материјалот кој го обработувате.
- Избегнувајте собирање прав на работното место. Правта лесно може да се запали.
Барања за всисувачот | ||
|---|---|---|
Препорачан номинален дијаметар на цревото | mm | 35 |
Потребен потпритисокA) | mbar | ≥ 230 |
Потребна количина на протокA) | l/s | ≥ 36 |
Препорачана ефикасност на филтерот | Класа на прашина MB) | |
- A)
Вредност на моќноста на приклучокот за всисување на електричниот алат
- B)
Според IEC/EN 60335-2-69
Следете го упатството на всисувачот. Престанете да работите кога ќе се намали моќноста на всисување и отстранете ја причината.
Заштитен капак (види слика D)
Монтирајте го заштитниот капак (16), пред да го приклучите електричниот алат на всисувач за прашина.
Ставете го заштитниот капак (16) на електричниот алат на тој начин што држачите ќе се вклопат на заштитата од допир (11).
Извадете го заштитниот капак (16) за работење без всисувач за прашина како и за сечење под агол. Извлечете го заштитниот капак нанапред од заштитата на допир (11).
Вклучување на системот за всисување прав (види слики E–F)
Поставете ги млазниците за всисување (17) во вдлабнатините на основната плоча (9).
Внимавајте запците да се вклoпат во млазниците за всисување, како што е прикажано на сликата E во соодветниот на основната плоча (9).
Ставете едно црево за всисување (18) на млазниците за всисување (17). Поврзете го цревото за всисување (18) со всисувач за прашина (опрема).
Прегледот за приклучување на различните видови на всисувачи за прашина ќе го најдете на крајот од ова упатство.
За оптимално всисување, по можност поставете ја заштитата од кинење (15).
Всисувачот за прашина мора да е соодветен на материјалот на парчето што се обработува.
При всисување на особено опасни по здравје, канцерогени или суви честички прав, користете специјален всисувач.