Напомени за работењето

Избегнувајте прскање на бетон. Инаку може да се лизнете и да ја изгубите контролата над електричниот апарат.

Не оставајте го електричниот алат вклучен подолго време, ако вибрацискиот цилиндар е надвор од бетонот што се вибрира. Во спротивно, работниот век на лежиштата може да се скрати.

Вклучете го електричниот алат само непосредно пред да започнете со работа.

Одржувајте безбедна и стабилна положба на работа. Не наведнувајте се премногу нанапред.

Оставете вибрацискиот цилиндар да навлезе во материјалот што треба да се вибрира под дејство на сопствената тежина. Не форсирајте го потопувањето.

Избегнувајте преоптоварување на моторот, како и прекршувања на цревото, бидејќи флексибилното вратило може да се скрши.

Времетраењето на вибрирањето изнесува 10 до 20 секунди при секое вметнување. Материјалот што треба да се вибрира е доволно збиен кога површината сјае и повеќе не излегуваат воздушни меурчиња. Прекумерните вибрации предизвикуваат сегрегација (одвојување песок, чакал и цемент) и губење на цврстината на материјалот што треба да се вибрира. Затоа, следете го напредокот на работата.

Вметнувајте го вибрацискиот цилиндар во материјалот што треба да се вибрира на растојанија помеѓу 8 и 10 пати од дијаметарот на вибрацискиот цилиндар, на пр. дијаметар на вибрацискиот цилиндар 25 mm = растојание на вметнување 25 cm, дијаметар на вибрацискиот цилиндар 35 mm = растојание на вметнување 35 cm итн.

Види слика C: X = (8 ... 10) x Ø _{вибрациски цилиндар}

При истурање бетонски слоеви еден по друг, вибраторот мора да се вметне длабоко од 10 до 15 cm во веќе набиениот долен слој за да се постигне добро прилепување меѓу слоевите.

Додека моторот работи, полека извлечете го вибраторот од материјалот што треба да се вибрира за да избегнете формирање меурчиња или вдлабнатини на набиената површина.

Избегнувајте продолжен контакт со оплатата или арматурата за да спречите оштетување на оплатата и заглавување на вибраторот меѓу арматурните шипки. Ако вибраторот се заглави, не влечете го цревото.

Складирајте го електричниот алат на безбедно место. Наместете го така да не може да паѓа. Инаку електричниот алат може да се оштети.

Куки за закачување (види слика D)

Со куката за закачување (8) може да го закачите електричниот алат на пр. на скеле. За таа цел, преклопете ја куката за закачување (8) нанадвор.

Повторно склопете ги куките за закачување (8) кога ќе сакате да работите со електричниот алат.