Пайдалану нұсқаулары
- Электр құралына Bluetooth® Low Energy Module GCY 42 / GCY 42 NC модулі (керек-жарақ) кіріктірілген болса, ол радио интерфейспен жабдықталған болады. Жергілікті пайдалану шектеулерін, мысалы, ұшақтарда немесе емханаларда ескеріңіз.
Айналу моменті қағу ұзақтығына байланысты болады. Максималды мақсатты айналу моменті барлық соққылар арқылы жеткен айналу моменттерінің қосындысынан шығады. Максималды айналу моментіне 6–10 секундтық қағу ұзақтығынан кейін қол жеткізіледі. Осы уақыттан кейін тарту моменті минималды шамаға ғана көтеріледі.
Қағу ұзақтығын әрбір талап етілген тарту моменті үшін есептеу керек. Дәл жеткен тарту моментін әрдайым динамометрлік кілтпен тексеріңіз.
Қатты, иілгіш немесе жұмсақ тіректі бұрандалы қосылымдар
Сынау кезінде бір қағу әрекетінде қол жеткізілген айналу моменттері өлшеніп, диаграммаға көшірілсе, айналу моменті процесінің қисық сызығы пайда болады. Қисық сызық биіктігі максималды қол жеткізілетін айналу моментіне сай келеді, құламалығы қол жеткізілетін уақытты көрсетеді.
Айналу моментінің процесі төмендегі факторларға байланысты болады:
- Бұрандалардың/гайкалардың қаттылығы
- Тіректің түрі (шеңбер, дискілік серіппе, тығыздауыш)
- Бұралатын материал қаттылығы
- Бұрандалы қоспаның майланғаны
Сәйкесінше төмендегі пайдалану жағдайлары пайда болады:
- Қатты тірек металды металға бұрап бекіту кезінде салмалы шайбаларды пайдаланғанда пайда болады. Қысқа қағу уақытынан кейін максималды айналу моментіне қол жеткізіледі (құламалы сипаттамалы сызық). Қажетсіз ұзақ қағу уақыты машинаға зиян тигізеді.
- Иілгіш тірек металды металға бұрап бекіткен кезде, бірақ серіппелі сақиналарды, дискілі серіппелерді, тіректі болттарды немесе конустық тіректі бұрандаларды/гайкаларды және ұзартқыштарды пайдаланған кезде пайда болады.
- Жұмсақ тірек, мысалы, ағашты ағашқа немесе металды ағашқа бұрап бекіткен кезде және қорғасын немесе талшықты шеңберлер сияқты жұмсақ тіректерді пайдаланған кезде пайда болады.
Иілгіш немесе жұмсақ тіректе максималды тарту моменті қатты тіректен төмен болады. Сонымен қатар ұзақ қағу уақыты талап етіледі.
Бұрандалардың максималды тарту моменттері үшін мақсатты мәндер
Деректер Нм бойынша берілген, керілген көлденең қимадан есептелген; аққыштық шегінің қолданылуы 90 % (үйкелу коэффициенті µges = 0,12). Бақылау үшін тарту моментін әрдайым динамометрлік кілтпен тексеру қажет.
DIN EN ISO 898 бойынша қаттылық кластары | Стандартты бұрандалар | Берік бұрандалар | ||||||
|---|---|---|---|---|---|---|---|---|
3.6 | 4.6 | 4.8/5.6 | 6.8 | 8.8 | 10.9 | 12.9 | ||
M16 | 57 | 76 | 96 | 153 | 206 | 302 | 354 | |
M18 | 80 | 106 | 133 | 212 | 295 | 421 | 492 | |
M20 | 112 | 150 | 187 | 300 | 415 | 592 | 692 | |
M22 | 151 | 202 | 252 | 403 | 567 | 807 | 945 | |
M24 | 193 | 257 | 322 | 515 | 714 | 1017 | 1190 | |
M27 | 284 | 379 | 474 | 759 | 1050 | 1496 | 1750 | |
M30 | 386 | 515 | 644 | 1031 | 1428 | 2033 | 2380 | |
M33 | 523 | 697 | 871 | 1395 | 1928 | 2747 | 3214 | |
Кеңестер
Үлкен шуруптарды қатты материалдарға бұрап бекіту алдында шуруптардың ұзындығының шамамен 2/3 ішкі ирек ойма диаметріне сәйкес келетін диаметрі бар тесікті алдын ала бұрғылау керек.
Ескертпе: электр құралына кішкентай металл бөлшектердің кіріп кетуіне жол бермеңіз.
Электр құралмен ұзақ жұмыс істегеннен кейін салқындату үшін 3 минутқа ең жоғары айналымдар санына қосу керек.